Wednesday, July 26, 2017

ပၢင်ယိုၼ်ႈဢၢပ်ႈပၼ်ပုၼ်ႈၽွၼ်း မေႃသွၼ်လိၵ်ႈတႆး ၼႂ်းႁူင်းႁဵၼ်း လူင်ပွင်ႊၸိုင်ႈ ၸတ်းႁဵတ်း တီႈၸေႊဝဵင်းၵျွၵ်ႉမႄး

မိူဝ်ႈပူၼ်ႉမႃး ဝၼ်းတီႈ 20/8/2015 ဝၢႆးဝၼ်း 1 မူင်း ၼၼ်ႉ ၵေႃလိၵ်ႈလၢႆးလႄႈၽိင်ႈငႄႈတႆး ၸေႊဝဵင်းၵျွၵ်ႉမႄး လႆႈၸတ်းႁဵတ်း ပၢင်ယိုၼ်ႈဢၢပ်ႈပၼ်ပုၼ်ႈၽွၼ်း မေႃသွၼ် လိၵ်ႈတႆး တႃႇတေသွၼ်လိၵ်ႈတႆး ၼႂ်းႁူင်းႁဵၼ်း လူင်ပွင်ႊၸိုင်ႈ ပဵၼ်တၢင်းၵၢၼ် ၵႂႃႇတီႈ ႁူင်းႁဵၼ်းၸၼ်ႉသုင် မၢႆ( 4) ပွၵ်ႉၼမ်ႉတုမ် ဝဵင်းၵျွၵ်ႉမႄး ။

တွၼ်ႊတႃႇသွၼ်လိၵ်ႈတႆး ၼႂ်းႁူင်းႁဵၼ်းလူင်ပွင်ႊၸိုင်ႈ ၼႂ်းၸေႊဝဵင်းၵျွၵ်ႉမႄးၼႆႉ တေတႄႇသွၼ်ၵႂႃႇ ဝၼ်းတီႈ 1/9/2015 ၊ မေႃသွၼ်ၸိူဝ်းႁပ်ႉပုၼ်ႈၽွၼ်း သွၼ်လိၵ်ႈတႆး မီးဝႆႉ 33 ၵေႃႉ၊ ၸၢႆး(3) ၵေႃႉ ယိင်း(30) ၵေႃႉ၊  တေတႄႇသွၼ်ၼႂ်း ႁူင်းႁဵၼ်းလူင်ပွင်ႊၸိုင်ႈ ၸိူဝ်းပဵၼ် ႁူင်းႁဵၼ်းၸၼ်ႉငဝ်ႈ မၢႆ(1) တေႃႇ မၢႆ(13) ၊ ႁူင်းႁဵၼ်းၸၼ်ႉၵၢင် မၢႆ(3) ၊ ႁူင်းႁဵၼ်းၸၼ်ႉသုင် မၢႆ(2) မၢႆ(3) မၢႆ(4) ၊ ႁူင်းႁဵၼ်းၸၼ်ႉသုင် မိူင်းတၢင်ႈ ၊ ႁူင်းႁဵၼ်းၸၼ်ႉငဝ်ႈ မၢၼ်ႈၼမ်ႉႁူးတွင်း ၊ မၢၼ်ႈၵွင်းမူး ၊ မၢၼ်ႈၶႃႇ၊ ၶူဝ်တႅၼ်ႈ ၊ ပူးၶႃး ၊ ၼႃးထွၼ်ႇ ၊ ၼႃးမူၼ်း၊ ၼမ်ႉၸေႃႉ၊ ၸွၺ်းၵုင်း၊ ႁူင်းႁဵၼ်းပၵ ဝတ်ႉၵျွင်းယွတ်ႈ ၊ ႁူင်းႁဵၼ်းပၵ ဝတ်ႉၵမ်ႇပေႃးၸၵျွင်းတႆး) ၸိူဝ်းၼႆႉၼႆယဝ်ႉ။

မိူဝ်ႈပူၼ်ႉမႃး ဝၼ်းတီႈ 1/8/2015 ၼၼ်ႉ ၵေႃလိၵ်ႈလၢႆးလႄႈၽိင်ႈငႄႈတႆး ၸေႊဝဵင်းၵျွၵ်ႉမႄး လႆႈၸတ်းႁဵတ်းမႃး ပၢင်ၽိုၵ်းၽွၼ်ႉမေႃသွၼ် တွၼ်ႊတႃႇ မေႃသွၼ်ၸိူဝ်းတေသွၼ် လိၵ်ႈတႆး ၼႂ်းႁူင်းႁဵၼ်းလူင်ပွင်ႊၸိုင်ႈ မေႃသွၼ် ၸၢႆးဢူးၶမ်း ၵေႃႉမႃးၽိုၵ်းၽွၼ်ႉပၼ် တီႈဝတ်ႉၵျွင်းယွတ်ႈ ။

Welcome to
our SLCA Kyaukme's Official Facebook Page
Facebook Page <> https://m.facebook.com/slcakyaukme
Email <> This email address is being protected from spambots. You need JavaScript enabled to view it.

Share

ၽူႈၶဝ်ႈတူၺ်း မီးၵႃႊႁိုဝ်

We have 36 guests and no members online